Winch олсны материал HMPE, UHMWPE (Dyneema/Spectra)

За энэ удаад винч олсны материалын талаар багахан өөрийнхөө мэдэж, судалсны хүрээнд бичихээр шийдлээ. Хүмүүс тэр олс, энэ олс сайн гэж янз бүрээр ярьдаг. 

Хуванцар материал буюу синтетик олс нь дотороо HMPE, UHMWPE гэж үндсэн 2 ангилал байна. UHMWPE (ultra high molecular weight polyethylene) материал нь брэндээс хамаарч Dyneema/Spectra нэрлэгддэг. Dyneema/Spectra -ын UHMWPE -нь үндсэн орц нь гэж ойлгосон. Бид нарын түвшинд бол ижил гээд ойлгочиход болохоор юм байна лээ.

HMPE vs UHMWPE аль нь илүү вэ?

UHMWPE нь HMPE материалаас даац авах чадвараар 30% орчим аар илүү. 

Steel vs UHMWPE аль нь илүү вэ?

Тростой харьцуулахад UHMWPE мөн адил даац авах чадвараар 30% орчим аар илүү. 

UHMWPE vs Dyneema vs Spectra аль нь илүү вэ? Ингэж хайгаад тодорхой зүйл олж чадаагүй. Ихэнх газар энэ бол ижил, төсөөтэй зүйл юм гэсэн байсан. Dyneema брэнд нь UHMWPE дээр нэмэлтээр доорх зураг дээр шиг сүлжээст ордог орц гэж ойлгосон. Зарим газар бол хамгийн сайн даац авдаг нь Spectra гэж бичсэн байсан.

Малайзруу уралдаанд зориулж олс нийлүүлдэг Хятадад байдаг дэлгүүрээс танайд Dyneema байгаа юу гэж асуусан. Дэлгүүрийн худалдагч Dyneema маш үнэтэй материал 1кг - 1000RMB гэдэг. Манай дэлгүүрт байхгүй гэсэн. Dyneema орцтой олс UHMWPE -с нэлээн үнэтэй болдог гэж ойлгосон. Мөн сая Малайзад тэмцээн үзэж байхдаа дандаа дэлхийн брэндүүдээр тоноглосон машинуудын эздээс чи ямар олс ашиглаж байна гэсэн хуванцар гэж хариулсан. За ингээд ерөнхийдөө UHMWPE материалаар хийсэн олс байхад болох юм байна гэж бодсон.

UHMWPE олсны үндсэн зориулалт нь усан онгоц, далайн тээвэрт ашигладаг. Материал нь хөнгөн, даац сайтай, бат бөх, элэгдэл багатай, мөн усанд нордоггүй, хөвдөг гэсэн давуу талтай. Ер нь энэ материалаар дэлхий дээр ханзаацнаас ахуулаад маш олон төрлийн бүтээгдэхүүн хийдэг

UHMWPE шинж чанар

• Тасрах үеийн суналт 3.5%
• Хайлах үеийн темп 145С
• Ажиллах темп -150C ~ +70C
• Элэгдэл маш сайн тэсвэртэй
• Хэт ягаан туяа, хими бодис тэсвэр сайтай
• Усанд норж хүндэрдэггүй

Бид нийтлэг цахилгаан winch -д 14mm, PTO-д 16mm тэй олс ашигладаг. UHMWPE нь 14mm тэй нь 14.6тн, 16mm тэй нь 18тн даацтай байдаг. Dyneema/Spectra нь үүнээс 30 орчим хувиар илүү даац авдаг гэж бичсэн байсан. Жишээ нь 16mm олс 23тн даацтай.

UHMWPE Хадгалах зааварчилгаа: Олсны чанар хадгалалтаас маш их шалтгаалдаг

• Цэвэр, хуурай орчинд хадгалах
• Нарны шууд тусгалд хадгалж болохгүй
• Хэт халуунд чанараа алддаг тул +40С доош темпратурт хадгалах
• Агааржуулагчтай газар хадгалах, ингэхдээ тавиур дээр байрлуулах. Төмөр эсвэл бетон дээр байж болохгүй
• Олсыг хүчил, шүлтээс хол байлгах

Гадуураа бүрээстэй олс хааяа нэг ашигладаг, ихэнх тохиолдолд хадгалдаг хүмүүст тохиромжтой санагдсан. Уралдаанд ашиглахаар нэг бүрээс нь гэмтэхээр шамраад татаж болохгүй болдог юм байна лээ. Бас завсраар нь ус, шавар ороод угааж цэвэрлэж болохгүй.

USA, Euro дэлгүүрт Dyneema/Spectra гэж нэрлэсэн олснууд 16mm тэй 50m тэй нь 1300$ той байсан. Тэгхээр бид Хятадаас авдаг олсоо аваад зөв угааж цэвэрлээд, зөв хадгалаад гамгүй хэргэлдэг нь жилдээ нэг солиод, гамтай хэргэлдэг нь 2 жилдээ нэг солиод байхад болхоом санагдсан. Манай баг олсыг маш гамтай хэрэглэх гэж хичээдэг, байнга угааж, зөв хадгалдаг. Гэхдээ нэг олсыг 2 жилээс дээш хэрэглээд дэмий гэдгийг зөвлөж байна.

Миний төсөөллөөр TR2 ангилал

TR2 ангилал яригдаж эхэлснээс хойш 2 жил өнгөрсөн байна. Анх 2022 -оны 10-р сарын үед тамирчид цуглаж "Тамирчны Зөвлөл" байгуулж анх Холбооноос TR2 ангилал үүсгэж өгөхийг хүсэж байсан санагдаж байна. Бидний хүсэлтийг хүлээн авч Холбоо 2024 оноос TR2 ангилалтай болсон.

Анх TR2 ангилал үүсэж байхад л дугуйны размер дээр 35", 37", 40" тамирчид санал хуваагдаж байсан. Олонхын саналаар дугуйн размер 35" дээр батлагдсан. Энэ саналыг ч би хувьдаа дэмжиж байсан. Учир нь 40" -р батлагдсан бол TR3 ангилал 6 -н байр, медальтай болох мөн хэсэн бүлэг цөөн тамирчдад зориулсан ангилал шиг болох байсан санагддаг.

TR3 ангилалд хувьд дугуйн хэмжээ 40" + портал тэнхлэг зөвшөөрдөг учир миний бодлоор TOP түвшинд уралдахад техникийн нөхцөл маш их шаардлагатай санагддаг. Үүнийгээ дагаад САНХҮҮ маш их шаарддаг. Техникээ сайн тоноглосон, санхүү гаргах боломжтой тамирчид өндөр амжилт үзүүлэх магадлал ихэсдэг. TOP машинууд одоогийн байдлаар дор хаяж 150-200сая төгрөг зарцуулсан байгаа. TOP машинуудтай өрсөлдөхийн тулд энэ хэмжээний зардал гаргах, мөн урсгал зардал, тэмцээн уралдааны зардал гээд маш өндөр зардлууд гардаг. Энэ нь бидний хувьд ХОББИ юу? МЭРГЭЖИЛ үү? Хоббиндоо амьдарлаа зориулаад байгаа мэт санагддаг, ийм ч учраас олон тамирчид энэ спортыг орхидог. TR3 ангилал уралдаж байгаа тамирчид илүү мэргэжлийн болж, илүү мэргэжлийн баг арын алба, спонсортой болж хөгжинө гэж хардаг. Ингэж хөгжүүлж хоббигоо мэргэжил болгосон тамирчид илүү их амжилт үзүүлдэг болох цаг ойртож байгаа гэж хардаг.

Миний хувьд TR2 ангилал 35" дугуй, энгийн тэнхлэг зөвшөөрснөөр мань мэт шиг хоббигоороо уралдаж байгаа тамирчдад боломж олгож байгаа мэт санагдсан. Үүнийгээ дагаач энэ ангилал маш өрсөлдөөнтэй 2-3 жилийн дараа гэхэд TR3 ангиллаас олон тамирчинтай, өрсөлдөөн ихтэй, жинхэнэ чадвараараа өрсөлддөг ангилал болж хөгжих юм шиг санагддаг. Яагаад гэвэл техникийн нөхцөл нь харьцангуй боломжийн учир олон тамирчин TOP хэмжээнд өрсөлдөх боломжтой болно. Мөн жинхэнэ утгаараа хоббигоороо уралдах боломж гарч ирнэ. Энэ жил миний таньдаг нэлээдгүй хүн TR2 ангиллын машин бэлдэж уралдах сонирхолтой байгаагаа хэлж байсан. Миний хувьд TR2 ангилалд уралдах сонирхолтой байгаа. Одоо байгаа TR3 машинаа техникийн хувьд гүйцэхээ байхаараа нэг юм бодно гэж боддог. Учир нь би хоббиндоо бүх амьдарлаа, гэрийнхээ бүх санхүүг зориулах сонирхол байхгүй байна. Надад 80сая портал тэнхлэг авах, хэдэн 10 сая-р мотортоо турбо, компьютер тунинг хийх сонирхол, боломж байхгүй байна. Ийм боломж байхгүй байлаа гээд TR3 ангиллынхаа үргэлж баян ходоодонд яваад байхыг хүсэхгүй. Ийм учраас TR2 ангилал бол оффроүд автомашин сонирхдог хоббитой залуусын ЕРТӨНЦ гэж боддог. Үнэнээр боломжтой, цаг завтай, мөнгөтэй, багтай тамирчид TR3 ангилалд ороод илүү мэргэжлийн болоод үзэх боломж нь бүгдэд нээлттэй байгаа.

Энэ жил Латви улсын 101 дугаартай тамирчин RFC Grand Final 2025-д 35" дугуйтай, 70 тэнхлэгтэй, 1800 дизел турбо мотортой машинаар яаж Prototype ангиллын машинуудыг ялж болдгийг дэлхийн аварга дээр 44 stage дээр харуулж чадсан. Тэр машинд хурд, хүч, тэсрэлт, бартаа туулах чадвар бүгд байсан.

Дэлхийн хошой АВАРГА СМ Г.Цэнгэлхүү Team117 #RFC27

Дэлхийн хошой АВАРГА СМ Г.Цэнгэлхүү талаар онцолж бичмээр санагдлаа. RFC27 түүний энэ хэр баргийн аавын хүүд олдоод байхгүй энэ АМЖИЛТ амар, хялбар олдоогүйг өөрийн мэдэрсэн мэдрэмжээ энд хуваалцъя

Team117 багын жолооч Ah Joo RFC уралдаанд 27 дахь жилдээ уралдаж байгаа хашир туршлагатай тамирчин. 27 жил уралдахдаа 10 удаа түрүү авч байсан дархан аварга. Гэхдээ 2023 онд тэрээр Цэнгэлхүүг уралдаагүй жил АВАРГА -аа хамгаалж чадаагүй. Хашир аварга энэ жил нэгийг бодож хоёрыг тунгааж Малайз улсад бол легонир тамирчин Цэнгэлхүүг урьсан байх. 2024 онд team117 шинээр хийсэн машинаараа нэг ч удаа уралдаан ороогүй, тэмцээний өмнөх өдөр ч машиндаа сервисээ хийсээр л байсан. Цэнгэлхүү тэмцээн болохоос цөөхөн хэдэн хоногийн өмнө ирж багтаа сервис үйлчилгээнд тусалсан. Ah Joo хувьд өөрөө машинаа хийдэг. Жил болгон уралдахдаа шинэ машинаар уралддаг тамирчин. Түүний өмнөх хийсэн машин нь 107 дугаартай уралдаж байсан. Ah Joo техникийн хөгжлөөс хоцрохгүй, Аварга -аа хамгаалах гэж жил бүр машинаа шинэчилж шинээр хийдэг байх. Машины хийц харахад бүх зүйл дээр анхаарч, нарийн тооцож хийсэн, маш нямбай хүн шиг санагдсан.

Team117 машины хувьд: Цэнгэлхүү шинэ машиндаа сууж үзээд boost мэдрэхэд өмнө нь ийм машинд сууж үзээгүй гэж ярьж байсан.

• 2JZ, турбо мотортой, aftermarket computer tuning тэй
• 39" CST Bead lock систем
• Хойноо автомат залагч гидр систем, хойд дугуй тормоз системтэй
• Уралдааны машинд байж болох бусад бүх тоногтой
• R2 ангилалд уралддаг машин

Тэмцээний эхнээс шинэ машин нэлээн асуудал дагуулсан. Эхний өдрүүд машин асахаа байх, PTO дамар эвдрэх эвдрэлүүд гараад байсан. Тэмцээний сүүл дээ машин жигдэрч бүрэн хүчээ гаргаж эхэлсэн гэж ойлгосон.

Тэмцээний зам эхний өдөрүүд боломжийн хөнгөн байсан боловч тэмцээний дундаас хүндэрч эхлэсэн. Тэмцээний зохион байгуулалт, замын талаар тусдаа нэг сэдэв болгож оруулах сонирхолтой байгаа. Үүнийг дараа нь бичнээ

СМ Г.Цэнгэхүү маань эхний захисан онгоцны билет нь транзит нислэг нь боломжгүй болж таараад, тулгаж үнэтэй билет дахин 2 талдаа авч ниссэн. Мөн тэмцээн тулгаж очоод цаг агаар, орчинд дасах хугацаа маш бага байсан. 10 өдөр өдөр бүр 4-6 stage завсаргүй уралдаж байсан. Хамгийн гол нь жолооч, штүрмэн дохионы хэлээр ярилцдаг, ойлголцдог хамгийн хэцүү санагдсан. 

Эхний өдрүүд техникийн асуудлаас болж нэлээн оноо алдсан мэдээж багт нерв, тийрээ бүх зүйл байсан байх. Тэр бүгдийг зохицуулж хүний нутагт ганцаараа даван гарч чадсан. Энд Монгол хүний дасан зохицох чадвар, Цэнгэлхүүгийн маань ажил мэргэжил байнгын бэлтгэлтэй байдал л түүнийг ийм амжилтад хүрэхэд нөлөөлсөн байх. Тэрнээс гадна Цэнгэлхүү өөрөө их хариуцлагатай, хувийн амбиц байхгүй, юу хийх ёстойгоо сэтгэл гаргаж хийдэг хүн шиг санагдсан. Уралдаж байхад нь миний хувьд болон цуг үзэж байсан тамирчид бүгд түүнд садаа болохгүй, багт нь буруу ойлголт төрүүлэхгүйн тулд аль болох завтай үед нь уулзах. Цагийг нь их үрэхгүйг хичээж байсан. Цэнгэлхүүгийн хамгийн хэцүү даваа бидний зэрлэгээс хэд дахин хүнд бартаатай ширэнгэд 14км -ыг 20 цаг туулсан өмнө түүхэндээ байгаагүй хамгийн хүнд twilight zone байсан гэж бодож байна. Тэр ширэнгэд үхлийн аюултай маш олон төрлийн шавж, амьтад байгаа, энэ бүгдийг тэсэж тэвчиж АВАРГА хэмээх амжилтын гаргаж чадсан түүнээр бахархахгүй байхын арга байхгүй. Зүгээр нэг очоод хэн хүссэн хүн нь авчдаг эд биш байна гэдгийг биеэрээ мэдэрсэн хүний хувьд ойлгох байх. 

Цэнгэлхүүдээ цаашдын ажил амьдрал, уралдаан тэмцээнд нь өндрөөс өндөр амжилт хүсье! Миний хувьд чамаар үргэлж бахархаж, хүндэлж явах болноо. 2025 онд шинэ ЦОЛ ЗЭРГИЙН журамаар маргаангүй манай төрөлд анхны ОУХСМ төрөх нь дамжиггүй бизээ!!! 

RFC Холбоонд дэлхийн хошой аварга түүнийг манай төрлийн дэлхийн шилдэгүүд мэднээ!

RFC Grand Final - Үзэхэд ХЭДЭН ТӨГРӨГ -ний зардалтай вэ?

Бид RFC27 буюу RFC Grand Final 2024 -ыг 2024.11.29-12.04 хооронд үзсэн. Эхний удаад цаашид тэмцээн очиж үзэх сонирхолтой байгаа тамирчид, үзэгчдэд зориулаад яаж явах, ойролцоогоор хэдэн төгрөгийн зардалтай тэмцээн үзэж болох талаар бичихээр шийдлээ.

Тэмцээний үндсэн зардал: 5-6 хүний бүрэлдэхүүнтэй 10 хоног явсан үед

1. Онгоцны ТИЗ нэг талдаа 1.050.000₮ орчим, энэ нь Улаанбаатар - Бээжин - Куала Лумпур, Улаанбаатар - Сөүл - Куала ялгаагүй ойролцоо. Хямд пилет нь Сөүл дээр заавал хилээр гарах шаардлагтай гээд байдаг юм билээ. ВИЗ тэй орноор дамжих бол нислэгээ захиалахдаа Транзит нислэг зөвшөөрч байгаа эсхийг сайтар лавлахгүй бол сая манайхан бүгд баларсан. Малайзруу транзит нислэг бол AirAsia -г бол сонгоод дэмий юм байна лээ. Заа нислэг 2 талдаа - 2.100.000₮
2. Буудал Куала Лумпур төвд 2 хүний орхой буудал 2 хоноход нэг хүнээс 200.000₮ орчим гарсан. Өдрийн 100.000₮ хотын төвд. Тэмцээн болох газартай ойрхон гээст хаус, апартмент бол нэг хүний өдрийн ойролцоогоор 40.000₮ орчим. Буудалд 2 хоног, гэст хауст 6 хоног гэхээр буудлын зардал - 440.000₮
3. Машин түрээс өдрийн 250.000₮ орчим. 6 хоног 6 хүн гэхээр нэг хүнээс автомашин түрээсийн зардал ойролцоогоор 250.000₮ Бензины үнэ хямд учир бензинд нэг хүн дунджаар 30.000₮ зарцуулна. Жолооны ОУ үнэмлэх Монгол улсаас авхад Малайз гэж байдаггүй юм байна лээ. Гэхдээ цагдаа зогсоож шалгасан тохиолдол байхгүй, зарим хүсүүс ОУ үнэмлэхгүй машинаа бариад байсан. Юмыг яаж мэдхэв ОУ үнэмлэх аваад явсан дээр.
4. Хоолны зардал ерөнхийдөө Монголтой ойролцоо. Гудамжинд тахиа, будаа идээд ойролцоогоор ус ундаатай нэг хоол идхэд 30ват буюу 25.000₮ орчим. Өдөрт 2-3 хоол идээд явхад 600.000₮ хоолонд зарцуулна
5. Тэмцээн үзхэд 1 өдрийн 100ват буюу 80.000₮. 6 өдөр тэмцээн үзсэн 480.000₮ орчим ТАХ. Нэмээд 100ват буюу 80.000₮ төлхөд ууланд нийтийн хоолноос идээд явж болно. Бид хоолоо цайны газаруудаас идээд явсан учир ийм зардал гараагүй. RFC Grand Final бол үзэгчдийг бол тийм ч их ав хэлэлцдэггүй санагдсан. Замруу оруулахгүй, Stage үүд нь хол, байнга бороо ордог. Олон хоног бол үзэх шаардлаггүй санагдсан.

За ингээд нийт үзэх үндсэн зардал 3.900.000₮ орчим болно. Энэ нь хувь хүний өөрийн хувийн хэрэглээний зардал ороогүй болно.

Тэмцээн дээр мерчинтайз буюу малгай, подвалк, цамц нтр 1ш 120ват буюу 100.000₮ орчим үнэтэй байсан.